一個毛囊仔的求救信「你話你突然禿頭？其實，我並唔係突然之間消失！你照鏡覺得髮際線越嚟越高，但你知唔知我其實喺入面掙扎緊？我係你頭皮入面第521號毛囊仔，每日負責生產一條頭髮。但而家面對脫髮危機，我唔係唔想做，而係做唔到… 係你長期嘅生活習慣、精神壓力、飲食不均，慢慢將毛囊仔我推到崩潰邊緣！你可能以為「禿頭係天生」，但我想話你知，我哋毛囊仔其實有血有肉、有責任感、有情緒嘅勞工——我哋都想做好份工，只係……你俾嘅環境太差！」

禿頭原因1. 精神壓力 — 你日日OT，我都日日OT！

你日日工作壓力大、心情低落，其實你唔係唯一受害者。我係你頭皮小工廠工人，當你壓力爆煲時，交感神經系統長期過度活躍，令我無法收到正常嘅頭髮生長指令。最終，我由一個每日努力出產頭髮嘅 full-time 員工，淪落到被迫休止期，甚至開始凋亡。禿頭就係喺呢種壓力環境下漸漸形成，慢慢將我哋毛囊仔推向邊緣……

禿頭原因2. 營養不足 — 你食得咁差，我做得啲咩？

毛囊要原材料先可以做事，維生素B群、鋅、鐵、蛋白質，全部都係合成角蛋白（頭髮主要成分）嘅必要資源，但你日日食杯麵、炸雞、奶茶，無咩蔬菜、無咩水、無咩營養，我連基本嘅工作條件都冇。長期咁落去，我哋毛囊仔根本唔夠氣力支持頭髮健康生長，掉髮量自然愈來愈多，頭髮的生長速度明顯下降，最終被迫停工，你就開始見到各種禿頭前兆！

禿頭原因3. 刺激性洗頭水 — 等於化學武器！

你以為搵到支去頭油又香嘅洗頭水就係愛自己？錯！好多強清潔力、含矽、含酒精成分嘅洗髮產品，其實會刺激頭皮，破壞我哋毛囊細胞嘅屏障機能，再加上你日日噴造型產品、髮膠、髮蠟，又唔洗乾淨，我喺頭皮入面根本透唔到氣。毛囊的健康被嚴重打擊，導致禿頭的原因出現：毛囊萎縮、髮旋禿、髮際線後退…全部都係信號。

禿頭原因4. 荷爾蒙／甲狀腺／免疫失調 — 你唔理你個身體，我先係第一個中招！

你成日攰、情緒波動、月經唔準、身體浮腫，其實可能係內分泌系統出咗問題。尤其係雄性荷爾蒙：二氫睪固酮（DHT）水平過高，會攻擊健康毛囊，造成禿頭；雄性禿的典型特徵如 M型禿、O型禿、地中海禿髮等禿頭種類，都係你內在生理問題嘅外在表現。

禿頭症狀1. 每日掉多過100條？

其實人體每日掉50-100條頭髮屬正常，但如果你發現梳頭、洗頭時大量脫髮，連地板上都係，咁就代表我哋毛囊仔真係逐個逐個離職，唔再生產新頭髮。這些掉髮的現象常常被忽略，但全部都係初期禿頭徵兆！

禿頭症狀2. 髮線後移、地中海擴張

呢種情況唔係偶然，係長期毛囊退化、活性減低所造成，尤其喺前額、頭頂部位的頭髮變細變軟，代表我哋最前線嘅生髮部隊已經撐唔住，開始陣亡！根據禿頭類型唔同就會有不同走勢，例如 M 型禿、O 型禿等。

禿頭症狀3. 頭皮油到反光，但又甩皮屑？

過多嘅油脂分泌，加上代謝異常，會令頭皮屑大量產生，有時仲會引發脂漏性皮膚炎，造成紅腫、癢感、敏感。我哋毛囊根本唔可能喺呢種混亂情況下正常工作，只會每況愈下，全部症狀都係禿頭問題嘅早期反應！你繼續唔理，脫髮的機會就越大！

禿頭症狀4. 頭皮癢、緊繃、有紅疹？

當你感到頭皮的皮膚發癢、緊繃甚至泛紅，代表炎症已經發生，毛囊可能已經發炎或者進入壞死狀態。你再唔理，就算你想補救，我都未必返得到嚟！

你以為我哋毛囊仔全部一樣咩？錯晒！。其實我哋都有唔同職責、唔同崗位，而你出現禿頭，就可能係我某啲同事提早退役。俾你睇下我哋內部嘅幾種「罷工模式」：

• 男性雄性禿（Androgenetic Alopecia）：呢個最常見，好多男同事由 M字額或 O型禿開始淪陷，全因你體內的雄性禿基因「二氫睪固酮」過剩，搞到我哋嘅毛囊收縮，髮際線後退，頭頂變地中海，面對脫髮危機，我哋邊撐得住？
• 斑禿（Alopecia Areata）：你啲免疫系統唔知發咩癲，誤以為我哋係入侵者，輪流掃我哋出門口，仲一撮一撮咁清！搞到頭皮上面一個個窿！
• 休止期脫髮（Telogen Effluvium）：你長期生活壓力爆煲，加上飲食失衡，我哋核入生長期做嘢都唔得，咪紛紛進入休止期，個個話：「唔做啦，攰！」
• 疤痕性禿頭（Cicatricial Alopecia）：頭皮有啲受傷或發炎位置搞到我哋連根拔起，唔係請假咁簡單，係成個部門消失！想搵人幫你生頭髮？都冇人做嘢！
• 牽引性禿頭（Traction Alopecia）：你日日綁馬尾、拉緊髮根，我哋日日頂住壓力，最終唔係拉甩就係拉爆，想生頭髮？好難囉！

改善禿頭方法1. 還原基本步，食得有「營」

想我地返工，你起碼要俾足資源我地生產。多食紅肉、綠色蔬菜、豆類製品、莓果、雞蛋等高蛋白質、高維他命B群、高鋅食物，有助修復我哋毛囊組織，支持頭髮再生功能，延長頭髮的生長週期。

改善禿頭方法2. 飲水代替咖啡奶茶

充足水分係保持頭皮健康同新陳代謝平衡嘅關鍵。我哋毛囊仔需要適當水分維持細胞壓力，如果你長期唔補水，頭皮變乾、血液循環變差，我地無法吸收營養，遲早罷工。這樣會影響毛髮品質，增加休止期的毛囊數量。

改善禿頭方法3. 溫和洗頭＋洗得啱

選用不含矽、不含SLS、具保濕成分嘅洗髮產品，避免過度清潔、刺激頭皮。建議每週洗頭3-4次，視乎頭皮油脂情況而定。使用溫水沖洗，唔好用熱風吹頭髮直至全乾，避免令頭皮變得乾燥。這些護理方法對於禿頭治療方式起到支援作用。

改善禿頭方法4. 生活習慣係關鍵

充足睡眠、避免熬夜、減壓、規律運動，全部都直接影響你身體機能同毛囊運作。唔好再諗住通宵打機、飲酒、亂漂染，我哋毛囊仔真係捱唔住。生活壓力係導致禿頭的重要原因之一，尤其影響休止期的轉換。

想我哋返工唔係講句「加油」就得。你要俾返啲資源、條件，等我哋可以復工。以下係幾種常見「人事重整」方法：

治療禿頭方法1. 藥物治療（如 Minoxidil、Finasteride）

我哋靠呢啲藥物撐住氣息，刺激返生長週期。Minoxidil 主要係幫助我哋擴張血管，令更多營養可以送到嚟我哋毛囊部門，加快頭髮生長速度。而 Finasteride 就係用嚟壓制體內會攻擊我哋嘅「二氫睪固酮」，減慢毛囊萎縮速度。

優點：臨床證實有效，對雄性禿特別有幫助，部分用家可見髮量回升。

缺點：需要長期使用，一停藥可能會打返原形；Finasteride 有機會導致性功能副作用，女性及孕婦不可使用。

治療禿頭方法2. 植髮手術

如果真係大批毛囊仔已經撤退無回頭，就要從「後枕部」搵啲健康毛囊朋友移民過嚟。手術會將健康毛囊一條條移植到禿髮區，原理就係調派後勤支援部隊填補前線戰損。但係移民咗過嚟，我哋都要適應新環境，保養唔好隨時搬返走。

優點：效果明顯，能夠填補明顯空缺區域；成功率高。

缺點：價格較高，屬小型外科手術，有恢復期；有創口及術後保養要求，唔啱所有人。

治療禿頭方法3. 中醫食療＋體質調理

如果你係因為「氣血不足」、「肝腎虧虛」搞到我哋毛囊無能為力，不妨透過中醫調理的治療方式出發，用望聞問切了解你屬於乜體質，再用中藥、湯水、針灸等方式改善血液循環，補益肝腎氣血，等我哋毛囊仔有氣有力再次上線。

優點：由根本調理體質，改善整體頭皮健康，副作用少，適合長期進行。

缺點：見效較慢，需要持續耐心配合；需經專業中醫診斷體質先對症下藥。

治療禿頭方法4. New Beauty F8 生髮療程＝毛囊仔救星！

New Beauty F8 生髮療程我哋大愛！幫我哋用低能量激光打雞精、改善血液循環、加速吸收生髮養份，感覺就好似返咗間有茶水部、冷氣同花紅嘅公司！

我知道你懶、你驚、你唔信療程，但 F8 生髮療程真係唔同，佢透過低能量激光、微循環技術、營養導入三部曲，直接改善頭皮血液循環、清除角質堆積、激活沉睡毛囊，幫我地有翻工嘅希望。臨床驗證有效，無痛、無創，仲有免費體驗，你仲想等咩？F8 生髮療程可以配合藥物治療或其他非入侵性治療方法一齊使用，提高效果。 

講真，你唔改善，我哋真係會集體離職，到時禿頭唔止係 O 型、M 型、髮旋禿，而係冇得逆轉嘅結局！

我真係唔想寫最後一篇日記。我好想繼續留喺你頭皮下，日日出產靚靚健康黑髮。但前提係——你要理我，要保養我，要俾我可以呼吸、有營養、有希望。

毛囊可以再生，但要你及早行動。